წიგნები წეროვნის სკოლის მოსწავლეებს

გუნდი "მკითხველთა საზოგადოება",  ბაკურ სულაკაურის გამომცემლობის პროექტ "წიგნების თაობა 2014"ის ფარგლებში, ეწვია წეროვნის საჯარო სკოლას. ბავშებს გადასცა ამავე გამომცემლობის მიერ გამოცემული წიგნები, მოაწყო წიგნების პრეზენტაცია.

ასევე მოაწყო ვიქტორინა, რომლის გამარჯვებულებსაც გადაეცათ სულაკაურის ფასდაკლების ბარათები და გამომცემლობის მერ გამოყოფილი წიგნები.

ჩვენი გუნდის სახელით მადლობას ვუხდით გამომცემლობას, იმისათვის რომ, სტუდენტებს საშუალება მოგვცა გარკვეული წვლილი შეგვეტანა ახალგაზრდებში წიგნიერების გაღრმავებაში. პროექტს ვუსურვებთ წარმატებებს, ასევე ამ პროექტის მონაწილე ყველა გუნდს.

ვფიქრობთ რომ მიუხედავად ჩვენი პასიურობისა, მაინც მოვახერხეთ და მთავარი გასაკეთებელი გავაკეთეთ: მოსწავლეები რაღაც დონეზე კიდევ უფრო დავაახლოვეთ წიგნებთან და შევეცადეთ მათთვის დაგვენახებინა ის, თუ რა სარგებლობა შეიძლება მოგვიტანოს წიგნმა და მით უფრო მხატრულმა ლიტერატურამ.

პ.ს

 ვაპირებთ რომ ამ პროექტის დასრულების შემდეგაც გავაგრძელოთ და კიდევ მოვაწყოთ მსგავსი შეხვედრები ბავშვებთან, რადგან სწორედ ამ ბავშვების ხელშია ჩვენი ქვეყნის მომავალი...

საქ. ეროვნულ უნივერსიტეტში

ჩვენი გუნდი აგრძელებს მკითხველებთან შეხვედრას და მათ დასაჩუქრებას :)
  დღეს უნივერსიტეტ სეუში მოვაწყეთ გამოკითხვა, თუ რომელ გამომცემლობას ანიჭებენ სტუდენტები უპირატესობას. მართალია კონკრეტულად გამომცემლობების დასახელებისას იყო აზრთა სხვადასხვაობა, მგარამ რეალურად აღმოჩნდა რომ, დიდი უპირატესობით სწორედ ბაკურ სულაკაურის გამომცემლობა სარგებლობს. მათ მიერ დასახელებული წიგნების 80%  სწორედ სულაკაურის გამომცემლობის მიერ ნათარგმნი და გამოცემული წიგნები იყო.
   ამის გარდა მოვაწყეთ წამახალისებელი ვიქტორინა და რამდენიმე სწორი პასუხის ავტორ სტუდენტს გადავეცით ფასდაკლების ბარათები.